Tokayev BMT sammitində Xəzər dənizinin Aral faciəsi ilə üzləşə biləcəyini bildirib

Qazaxıstan prezidenti Qasım-Jomart Tokayev BMT sammitində, region ölkələri onu qorumaq üçün tədbir görmədikdə Xəzər dənizinin Aral dənizi faciəsinə bənzər bir fəlakətlə üzləşə biləcəyi barədə xəbərdarlıq edib. Akorda xəbərinə görə, o, Xəzərin ekosistemini qorumaq üçün beş Xəzəryanı dövlətin birgə səy göstərməsinə çağırıb.

Tokayev Aral dənizinin qurumasının təbii sərvətlərin məsuliyyətsiz istifadəsinin dağıdıcı nəticələrinin aydın xatırlatması olduğunu deyib. «Xəzər dənizinin də eyni taleyə düçar olmasına imkan verməməliyik», — o bildirib.

Prezident həmçinin Xəzər suitisinin sayının azalmasına xüsusi diqqət yetirib. Onun sözlərinə görə, son yüz ildə bu heyvanların sayı 1 milyon fərddən 270 min fərdə enib. Qazaxıstanda Xəzər suitisi rəsmi olaraq nadir və kökü kəsilmək təhlükəsi altında olan növlər siyahısına daxil edilib. Tokayev həmçinin Türkmənistanda keçirilən ilk Xəzər Ekoloji Sammitində region ölkələrini birgə fəaliyyətə çağırdığını xatırladıb.