AMB 2026-2027-ci illər üçün inflyasiya proqnozunu açıqlayıb

Azərbaycan Mərkəzi Bankının (AMB) baza ssenarisinə görə, ölkədə inflyasiyanın 2026-cı ilin yekununda 6,1 %, 2027-ci ilin sonunda isə 5,8 % olacağı gözlənilir. Report.az xəbər verir ki, bunu AMB-nin sədri Taleh Kazımov "Global Finance" jurnalına müsahibəsində bildirib.

T.Kazımov qeyd edib ki, əsas məqsəd qiymət sabitliyinin təmin olunmasıdır. O, təklif baxımından yuxarı istiqamətli risklərin mövcud olduğunu, lakin hər iki göstəricinin müəyyən edilmiş dəhliz çərçivəsində qaldığını bildirib.

Başlıca vəzifənin hədəfi dəyişmək deyil, məzənnə stabilliyini əsas, banklararası dərəcələri isə daxili inflyasiya üzrə yardımçı lövbər kimi saxlamaqla faiz dərəcəsi transmissiyasının təsirini artırmaq və dərinləşdirmək olduğunu vurğulayıb.