Filippin nümayəndə heyəti Aşqabadda siyasi məsləhətləşmələr keçirdi

Aşqabad, 16 oktyabr – Filippin Respublikasının nümayəndə heyəti, Xarici İşlər Departamentinin siyasi məsələlər üzrə katib müavini Leo M. Herrera-Lim rəhbərliyi ilə 15 oktyabrda Türkmənistanın Xarici İşlər Nazirliyinə səfər etdi. Burada heyət nazirlik rəhbərlərinin müavinləri səviyyəsində keçirilən ikitərəfli nazirliklərarası siyasi məsləhətləşmələrdə iştirak etdi.

Danışıqlarda iki ölkə arasında siyasi, ticari-iqtisadi və mədəni-humanitar sahələrdə əməkdaşlığın inkişafı müzakirə edildi. Enerji, dəniz nəqliyyatı, turizm və digər sahələr də gündəmdə idi. Xəbəri Turkmeninform yaymışdır.