Özbəkistan-Səudiyyə Ərəbistanı iri investisiya layihələrinin icrası müzakirə olundu

Prezident Şavkat Mirziyoyev yanacaq-energetika sektorunda Investorlar Şurasının ilk iclası çərçivəsində Özbək-Səudiyyə Biznes Şurasının həmsədri və ACWA şirkətinin idarə heyətinin sədri Məhəmməd Əbunayyanın başçılıq etdiyi heyəti qəbul edib.

Görüşdə praktiki əməkdaşlığın daha da genişləndirilməsi və prioritet birgə layihələrin sürətləndirilməsi məsələləri müzakirə olunub. Son illərdə Səudiyyə şirkətlərinin Özbəkistan bazarına marağı artır. Nəticədə yaşıl enerji, müasir infrastruktur, yüksək texnologiyalar və səhiyyə kimi sahələrdə iri investisiya layihələri həyata keçirilir.

Tərəflər əldə olunmuş razılaşmaların vaxtında və keyfiyyətli icrası hesabına ikitərəfli praktiki əməkdaşlığı yeni səviyyəyə çıxarmaq hazırlığını təsdiqləyib. Səudiyyə investorları Özbəkistanda investisiya fəaliyyəti üçün yaradılmış əlverişli şəraitə görə yenidən minnətdarlıq bildiriblər.