Paşinyan Azərbaycanla sülh müqaviləsinin 2031-ci ilədək imzalanmasından danışır

Ermənistanın Baş naziri Nikol Paşinyanın Azərbaycanla sülh müqaviləsinin 2031-ci ilədək imzalana biləcəyinə dair açıqlaması müzakirələrə səbəb olub. Paşinyan sülh sazişinin əhəmiyyətindən və Zəngəzur dəhlizinin açılmasının sürətləndirilməsindən danışsa da, uzaq tarix göstərməsi ziddiyyətli yanaşma kimi qiymətləndirilir. 2031-ci ildə Ermənistanda növbəti parlament seçkisi keçiriləcək.

Milli Məclisin beynəlxalq münasibətlər və parlamentlərarası əlaqələr komitəsinin üzvü Elman Nəsirov Modern.az-a prosesin uzadılmasının qəbuledilməz olduğunu bildirib. O, Paşinyanın əvvəllər yeni konstitusiyanı və ərazi iddialarının aradan qaldırılmasını 2026-cı ilin sonu və 2027-ci ilin əvvəli ilə əlaqələndirdiyini xatırladıb. Politoloq Elxan Şahinoğlu isə açıqlamanı məntiqsiz hesab edib: Azərbaycanın torpaqlarını geri qaytardığını, sülh sazişinin daha çox Paşinyan üçün lazım olduğunu deyib. Gözlənti gələn il konstitusiya referendumu idi, 2031-ci il isə bunun o vaxt olmaya biləcəyini düşündürür.