Kamboca Baş naziri Hun Manet Qazaxıstana rəsmi səfərə gəlib

Kamboca Baş naziri Hun Manet Qazaxıstana rəsmi səfərə gəlib. Onun şərəfinə rəsmi qarşılama mərasimi Akorda Prezident Sarayında keçirilib və Prezident Kasım-Jomart Tokayev qonaqı burada qarşılayıb. Qazinform agentliyinin məlumatına görə, mərasim Təntənə Zalında fəxri qvardiyanın düzülüşü ilə başlayıb.

Fəxri qvardiyanın komandiri salamlama məruzəsini təqdim etdikdən sonra Prezident Orkestri hər iki ölkənin dövlət himnlərini ifa edib. Mərasimdən sonra liderlər təntənəli xalça boyunca Qazaxıstan Dövlət Bayrağına doğru yeriyib və ikitərəfli danışıqlara keçiblər. Nümayəndə heyətlərinin üzvləri də bir-birinə təqdim olunub.

Tokayev və Hun Manet bu ilin iyul ayında Şanxayda Ümumdünya Süni İntellekt Konfransı çərçivəsində görüşmüşdülər. Tokayev tərəfdaşlığın dostluq və qarşılıqlı hörmət üzərində qurulduğunu bildirib, ticarət və iqtisadi əməkdaşlığın genişlənməsi üçün böyük potensial olduğunu vurğulayıb. Kənd təsərrüfatı, tekstil, turizm, tikinti, qida, nəqliyyat və logistika ən perspektivli sahələr sayılır. İki ölkə diplomatik və xidməti pasport sahiblərini viza tələblərindən azad edən saziş də imzalayıb.