OGT 2026: 75 ölkədən 1700-dən çox nümayəndə Aşqabadda keçiriləcək forumda iştirak edəcək

Türkmənistanın 31-ci Beynəlxalq «Türkmənistanın neft və qazı» konfransı və sərgisinin («OGT 2026») qeydiyyatı başa çatıb. Türkmenistan Today-ın məlumatına görə, 75 ölkədən 450 şirkəti təmsil edən 1700-dən çox nümayəndə iştirakını təsdiqləyib. Forum 21-23 oktyabr tarixlərində Aşqabadda keçiriləcək.

Formum dövlət qurumlarının rəhbərlərini, milli və beynəlxalq enerji şirkətlərini, investisiya və maliyyə institutlarını, elmi-tədqiqat təşkilatlarını və texnologiya təchizatçılarını bir araya gətirəcək. İştirak edəcək nümayəndələrin ölkələri arasında Çin, Malayziya, Birləşmiş Ərəb Əmirlikləri, Səudiyyə Ərəbistanı, ABŞ, Böyük Britaniya, Rusiya, Almaniya, Fransa, İtaliya, Koreya Respublikası, Türkiyə, Azərbaycan, Qazaxıstan və Özbəkistan var.

İş proqramında Galkınış qaz yatağının işlənməsi, qaz nəqliyyatı infrastrukturunun modernləşdirilməsi, TAPI boru kəməri layihəsi, Xəzər regionunda əməkdaşlıq və təbii qazın emalı müzakirə olunacaq. Sərgi 21 oktyabrda Türkmənistan Ticarət-Sənaye Palatasının binasında açılacaq. Malayziya Malaysia Petroleum Resources Corporation (MPRC) dəstəyi ilə ilk dəfə milli pavilyon təqdim edəcək. Ön tədbirlər 20 oktyabrda başlayacaq.