Türk dövlətlərinin liderləri İrəvanda birgə bəyannamə qəbul etdilər

Ermənistanın paytaxtı İrəvanda BMT-nin Bioloji Müxtəliflik haqqında Konvensiyası tərəflərinin 17-ci konfransı (COP17) başlayıb. 16 oktyabrda dövlət və hökumət başçılarının iştirakı ilə “Təbiət naminə liderlər” sammiti keçirilib. Sammitdə Qazaxıstan Prezidenti Kasım-Jomart Tokayev, Qırğızıstan Prezidenti Sadır Japarov və Türkmənistan Prezidenti Sərdar Berdiməhəmmədov iştirak ediblər. Türkiyəni kənd təsərrüfatı və meşəçilik naziri İbrahim Yumaklının rəhbərlik etdiyi nümayəndə heyəti təmsil edib. Azərbaycan tədbirə nümayəndə heyəti göndərməyib.

Sammitdə biomüxtəlifliyin qorunması, su ehtiyatlarının mühafizəsi və ekoloji əməkdaşlığın genişləndirilməsi müzakirə edilib. Sammitin yekununda “İrəvan Bəyannaməsi – Təbiət naminə fəaliyyət” sənədi qəbul edilib. Bəyannamədə 2030-cu ilədək biomüxtəlifliyin itirilməsinin dayandırılması, 2050-ci ilədək isə təbiətlə harmoniyada yaşamaq məqsədlərinə sadiqlik ifadə olunub.

Japarov Ermənistana ilk rəsmi səfəri zamanı Göyçə və İssık-Kul göllərinin qorunmasına dair anlaşma memorandumu imzalayıb. Tokayev beynəlxalq fond yaradılmasını və Almatıda regional ofis açılmasını təklif edib.