Səmərqənd görüşü regional diplomatiya üçün nə deməkdir?

Səmərqənddə əsası qoyulan “C5+1” dialoq mexanizmi bu gün siyasi-diplomatik əlaqələrlə yanaşı investisiya, enerji, nəqliyyat-logistika, kritik minerallar və müasir texnologiyalar sahəsində praktiki əməkdaşlığa xidmət edir. ABŞ Dövlət katibi Marko Rubionun Səmərqəndə səfəri və “C5+1” formatında xarici işlər nazirlərinin görüşü Özbəkistan–ABŞ münasibətlərinin möhkəmləndirilməsi baxımından vacib hadisə kimi qiymətləndirilir.

Məqalədə 2015-ci ildə Səmərqənddə ABŞ ilə ilk “C5+1” görüşünün keçirildiyi və bunun dialoqun institusional başlanğıcı olduğu qeyd edilir. 2023-cü ildə Nyu-Yorkda BMT Baş Assambleyasının 78-ci sessiyası çərçivəsində keçirilən liderlər zirvəsinin isə formatı dövlət başçıları səviyyəsinə yüksəltdiyi bildirilir.

Həmçinin 2023-cü ilin noyabrında işə salınan “B5+1” biznes platforması, 2024-cü ilin fevralında başlayan kritik minerallar dialoqu və Rubionun səfərinə qoşulan, təxminən 300 amerikalı biznes nümayəndəsindən ibarət heyətin Özbəkistan–ABŞ Biznes və İnvestisiya Şurasının görüşündə iştirakı xatırladılır.