Qazaxıstan səfirlikləri yeni giriş qaydaları barədə xəbərdarlıq göndərməyə başlayıb

Qazaxıstanın xaricdəki səfirlikləri xarici vətəndaşlara yeni miqrasiya qaydaları barədə kütləvi bildirişlər göndərməyə başlayıb. Ölkədə qonaqlardan elektron giriş icazəsi almağı tələb edən QazETA rəqəmsal platforması işə salınır. Avrasiya İqtisadi Birliyinin tərəfdaşları üçün heç bir istisna olmayacaq; yeni tələblər vizasız giriş edən bütün xarici vətəndaşlara şamil olunacaq.

Keçid dövrü 1 noyabr 2026-cı ildə başlayacaq və sistem əvvəlcə Aktau hava limanında və dörd avtomobil keçid məntəqəsində sınaqdan keçiriləcək. Astana və Almatı hava limanları 2027-ci ilin yanvarında, digər bütün sərhəd keçidləri isə martdan sistemə qoşulacaq. İcazə 30 iyun 2027-ci ilədək tövsiyə xarakteri daşıyacaq, 1 iyuldan isə məcburi olacaq.

Ərizələr QazETA mobil tətbiqi vasitəsilə səfərdən ən geş 72 saat əvvəl təqdim edilməlidir. Prosedur pulsuzdur, sənəd altı ay müddətinə etibarlıdır. İcazə tələb olunmayanlar arasında 16 yaşadək uşaqlar, 65 yaşdan yuxarı pensiyaçılar, yaşayış və iş icazəsi sahibləri, diplomatlar, tranzit sərnişinlər və beynəlxalq yük maşını və avtobus sürücüləri var.