Sadır Japarov Qırğızıstanın növbəti 5 il üçün strateji inkişaf prioritetlərini açıqladı

Qırğızıstan Prezidenti Sadır Japarov oktyabrın 21-də Bişkekdə keçirilən respublika müşavirəsində ölkənin növbəti beş il ərzində sosial-iqtisadi inkişafı üçün strateji vəzifələri açıqlayıb. Tədbirdə dövlət orqanlarının və müəssisələrinin rəhbərləri iştirak edib və 2030-cu ilin sonunadək dövlət siyasətinin əsas prioritetləri müəyyənləşdirilib.

Prezident çıxışında son beş ildə dövlət institutlarının bərpası, iqtisadi inkişaf üçün möhkəm təməlin yaradılması və cəmiyyət və mədəni həyatın bütün sahələrində geniş islahatların aparıldığını bildirib. O, ölkənin yeni inkişaf mərhələsinə qədəm qoyduğunu və hər ailənin rifahının yüksəldilməsi, uzunmüddətli davamlı inkişaf və gələcək nəsillər üçün güclü dövlət qurulması məqsədi ilə çalışacaqlarını vurğulayıb.

Açıqlanan prinsiplər arasında dövlətin sosial-iqtisadi islahatların strateqi və memarı olması, şəxsi mülkiyyətin müdafiəsi, sosial siyasətin mərkəzində ailə və uşağın durması, şəffaf və məsuliyyətli sahibkarların dövlət tərəfindən müdafiəsi və regionların çiçəklənməsi yer alır. İqtisadi artımın yüksək əlavə dəyərli xidmət və emal sənayesi məhsullarının ixracına əsaslanan model üzərində qurulacağı bildirilib.