PETRONAS Texnologiya Universiteti türkmən tələbə və müəllimlər üçün təkmilləşdirmə kursu keçirir

Oktyabrın 19-22-də Malayziyadakı PETRONAS Texnologiya Universitetinin professoru tərəfindən Türkmənistandakı Yaqşıgeldi Kakayev adına Beynəlxalq Neft və Qaz Universitetinin eneretika və mühəndislik qurğuları fakültəsinin tələbələri və gənc müəllimləri üçün onlayn peşə təkmilləşdirmə dərsləri keçirilir.

"Enerji sisteminin təhlili" mövzusuna həsr olunmuş dərslərdə iştirakçılara müasir innovativ texnologiyalar və bu sahədə istifadə olunan yeni üsullar barədə geniş və müasir məlumatlar verilir. Dərslərin nəticələrinə görə dinləyicilərə PETRONAS Texnologiya Universitetinin xüsusi şəhadətnamələri təqdim olunacaq. Dərslər universitetin, PETRONAS Carigali (Turkmenistan) Sdn Bhd şirkətinin və PETRONAS Texnologiya Universitetinin imzaladığı anlaşma memorandumu çərçivəsində təşkil olunur.

Tərəflər bu sənəd əsasında bir neçə ildir elm və təhsil sahələrində səmərəli əməkdaşlıq edirlər. Türkmən ali təhsil müəssisələrinin tələbə və gənc müəllimləri hər il yay təcrübəsini PETRONAS Texnologiya Universitetində keçirirlər. Həmçinin 2026–2027 tədris ilində PETRONAS professor-müəllimlərinin rəhbərliyi ilə uzaqdan və üz-üzə bir neçə mərhələli dərs keçirilməsi planlaşdırılır; bu dərslər neft-qaz sektorunun inkişafı, süni intellektin tətbiqi, kimya və qazın emalı kimi istiqamətləri əhatə edəcək.