Daşkənd Oppenheimer & Co. ilə əməkdaşlıq sazişi imzalayıb

Daşkənd və investisiya-bank şirkəti Oppenheimer & Co. qarşılıqlı əməkdaşlıq haqqında saziş imzalayıblar. Tərəflər investisiya cəlb edilməsi və şəhər layihələrinin maliyyələşdirilməsi sahəsində qarşılıqlı fəaliyyəti inkişaf etdirməyi planlaşdırırlar. Sənəd Daşkənd hakimi Şavkat Umurzakovun Oppenheimer & Co.-nun Avropa, Yaxın Şərq və Afrika regionu üzrə investisiya-bank istiqamətinin baş icraçı direktoru Maks Lami ilə görüşündən sonra imzalanıb.

Görüşdə Daşkəndin beynəlxalq kapital bazarlarına çıxış perspektivləri, o cümlədən bələdiyyə istiqrazlarının buraxılması imkanı müzakirə olunub. İri infrastruktur və şəhərsalma layihələri üçün investisiya cəlb mexanizmləri də nəzərdən keçirilib. Dövlət-özəl tərəfdaşlıq, beynəlxalq maliyyə alətləri, şəhər maliyyəsinin idarə olunmasında xarici təcrübə və yerli mütəxəssislərin ixtisasının artırılması məsələləri də gündəmdə olub.

Gözlənilir ki, saziş beynəlxalq maliyyə təşkilatları və investorlarla əməkdaşlığın genişlənməsi üçün əsas rolunu oynayacaq və Daşkəndin perspektivli layihələri üçün əlavə maliyyə mənbələrinin cəlb edilməsinə kömək edəcək.