Hədəf 2027: ŞKTR-də universitet haqlarını dövlət ödəyəcək

Milli Birlik Partiyasının (UBP) sədri və baş nazir Ünal Üstel, Avropa Birliyi ölkələrində və Türkiyədə olduğu kimi, ŞKTR-də də gənclərə pulsuz universitet imkanı yaradacaqlarını açıqladı. Üstel 2027-ci ildə həyata keçiriləcək tətbiqlə gənclərin təhsilinə dəstək olduqlarını, eyni zamanda ailələrin iqtisadi yükünü yüngülləşdirəcəklərini vurğuladı.

Üstelin bildirdiyinə görə, 2027-ci ildə Milli Təhsil Nazirliyinin keçirəcəyi imtahan əsasında ŞKTR universitetlərinə yerləşən ŞKTR vətəndaşı tələbələrin universitet haqlarının tamamını dövlət ödəyəcək. Hazırda universitetlərdə təhsil alan, orta balı 3,00 və daha yuxarı olan ŞKTR vətəndaşı tələbələr də bu dəstəkdən yararlanacaq.

Üstel ailələrin övladlarını oxutmaq üçün göstərdiyi fədakarlığa diqqət çəkərək, hər semestr ödənilən universitet haqlarının ailə büdcəsində yaratdığı yükü paylaşmaq istədiklərini bildirdi. O, gənclərin maddi narahatlıq olmadan öz ölkəsində təhsilini davam etdirməsini istədiklərini söyləyib: "Gənclərimizin təhsilinə edilən hər dəstək ölkəmizin gələcəyinə edilən investisiyadır."