MHP lideri Bahçelidən Azərbaycana dair açıqlama

MHP lideri Devlet Bahçeli, Türk Dövlətləri Təşkilatının çatdığı səviyyənin Türk dünyasının gələcəyi baxımından böyük əhəmiyyət daşıdığını bildirib. Bahçeli, təşkilatın ortaq tarixin, mədəniyyətin və birgə gələcək təsəvvürünün institusional əsasına çevrildiyini qeyd edib. Onun sözlərinə görə, təşkilat daxilindəki münasibətlər hər üzv dövlətin suverenliyinə, müstəqilliyinə və ərazi bütövlüyünə hörmət prinsipinə əsaslanır.

Bahçeli Türkiyə və Azərbaycanı “Egedən Xəzərə” eyni könül coğrafiyasının iki güclü dövləti kimi xarakterizə edib. İki ölkə arasındakı qardaşlıq hüququnu zədələməyə yönəlmiş hər cür yanaşma qarşısında ağlıbaşılıq və qarşılıqlı anlaşma çağırışı edib. Açıqlamaya görə, oktyabrın son həftəsində Ankarada keçiriləcək Türk Dövlətləri Təşkilatı Zirvəsində dönəmlik sədrliyin Azərbaycandan Türkiyəyə keçəcəyi və Əliyev ilə Ərdoğanın zirvədə görüşəcəyi bildirilib.

Açıqlamada İsmayıl Qaspıralının “Dildə, fikirdə, işdə birlik” anlayışının bu gün də yol göstərici olduğu vurğulanıb.