Türkmənistanda yeni müdafiə obyektləri istifadəyə verildi

Türkmənistanın Prezidenti, Silahlı Qüvvələrin Ali Baş Komandanı, ordu generalı Serdar Berdimuhamedov oktyabrın 21-də Türkmənistan Silahlı Qüvvələrinin hərbi hissəsinin yeni binalar və obyektlər kompleksinin açılış mərasimində iştirak edib.

Kompleksə inzibati korpus, meydança, yeməkxana, kazarmalar, tibb hissəsi, açıq idman meydançası, hərbi hazırlıq üçün maneə zolağı, avtomobil dayanacağı və xidməti, təsərrüfat və sosial təyinatlı binalar daxildir. Kompleksdə həmçinin hər biri 48 mənzilli iki müasir 2 mərtəbəli yaşayış evi var.

Dövlət başçısı hərbiçilər üçün yaradılmış xidməti və məişət şəraiti, müasir silahları və pilotsuz uçuş aparatlarını nəzərdən keçirib.