Rosatom rəhbəri Özbəkistandakı AES-in tikinti sahəsini ziyarət edib

Rosatom Dövlət Korporasiyasının baş direktoru Aleksey Lixaçev Özbəkistanın Cizzax vilayətində inteqrasiya olunmuş atom elektrik stansiyasının tikinti sahəsini ziyarət edib. Rosatomun məlumatına görə, burada birinci kiçik güclü enerji blokunun tikintisi davam edir.

Birinci enerji blokunun təməl plitəsinə beton tökülməsi 2026-cı il 4 iyunda başlayıb. Hazırda reaktor binasının bazasının betonlanması davam edir və işdə 25 texnika vahidi iştirak edir. İl sonunadək birinci blokun reaktor bölməsinin təməl plitəsinin tamamlanması planlaşdırılır; bunun üçün 10 000 kubmetr beton tələb olunacaq.

Lixaçev başlanmış işləri Özbəkistanın eneretikası və iqtisadiyyatı, həmçinin Rusiya-Özbəkistan əməkdaşlığı üçün əhəmiyyətli əsas mərhələ adlandırıb. Layihə atom şəhərinin və sənaye klasterinin yaradılmasını da nəzərdə tutur. Stansiyada 1000 MVt gücündə iki böyük və 55 MVt gücündə iki kiçik enerji bloku olacaq; illik 17,2 milyard kVt·saat elektrik istehsal edəcəyi gözlənilir.