Xəzər dənizində 14 hərbçinin ölümü: altı vəzifəli şəxs saxlanılıb

Qazaxıstan Daxili İşlər Nazirliyi Xəzər dənizində 14 hərbi xidmətçinin həlak olduğu faciə ilə bağlı ilkin təhqiqatın gedişatını açıqladı. Nazirliyin mətbuat xidməti NUR.KZ-nin müxbirinə bildirib ki, hərbi təhqiqat departamentinin rəhbərliyi altında yaradılmış idarələrarası əməliyyat-təhqiqat qrupu ilkin təhqiqatı davam etdirir. Hadisə Aktauda baş verib.

Təhqiqat Qazaxıstan Respublikasının Cinayət Məcəlləsinin “xidmətə səhlənkar münasibət” və “gəmi idarəetmə qaydalarının pozulması” maddələri ilə aparılır. Məhkəmənin sanksiyası ilə hərbi-dəniz təlimlərinin təşkilinə və keçirilməsinə görə məsul altı vəzifəli şəxs barəsində həbs qətimkan tədbiri tətbiq edilib.

Nazirlik bildirib ki, digər vəzifəli şəxslərin iştirakı da yoxlanılır. İlkin təhqiqatın nəticələrinə görə planlaşdırma, təşkil və keçirmədə iştirak edən bütün vəzifəli şəxslərin hərəkətlərinə hüquqi qiymət veriləcək. Mətbuat xidməti ilkin təhqiqatın digər məlumatlarının açıqlanmayacağını vurğulayıb.