Özbəkistan İslam maliyyəsini genişləndirir: 2026-2030 yol xəritəsi və 39 tədbir

Özbəkistan Mərkəzi Bankının sədri Timur İşmetov, ölkədə 2030-cu ilədək İslam maliyyəsinin inkişafı üçün 39 tədbirin həyata keçiriləcəyini açıqlayıb. O, bunu oktyabrın 27-də Səmərqənddə keçirilən Beynəlxalq İslam Maliyyəsi Forumunda bildirib. 2026-2030-cu illəri əhatə edən yol xəritəsi beş istiqaməti əhatə edir: qanunvericiliyin təkmilləşdirilməsi, mütəxəssis potensialının və maliyyə savadlılığının artırılması, beynəlxalq əməkdaşlığın genişləndirilməsi və İslam bank xidmətləri üçün infrastrukturun yaradılması.

İlkin mərhələdə İslam maliyyə xidmətləri qeyri-bank sektoru vasitəsilə tətbiq edilib. İşmetovun bildirdiyinə görə, hazırda ölkədə 11 mikromaliyyə təşkilatı murabaha, icarə, muzaraba və musharaka müqavilələri əsasında xidmət göstərir. 2026-cı ildə İslam bank fəaliyyətinin tətbiqinə yönəlmiş qanunun qəbul edildiyi qeyd olunub.

Hökumətin həmçinin İslam qiymətli kağızları — sukuk bazarını inkişaf etdirmək niyyəti var. Hazırlanmış «Kapital bazarı haqqında» qanun layihəsinin yeni redaksiyasında sukuka həsr olunmuş ayrıca fəsil nəzərdə tutulub. İşmetov bildirib ki, hələlik sukukun buraxılışına başlanılmayıb, yalnız bunun üçün hüquqi əsasın yaradılması planlaşdırılır.