Qırğızıstan Si Jinpinin səfərini və ŞƏT sədrliyini təhlil etdi

Qırğızıstanın Xarici İşlər Nazirliyində 27 oktyabrda kollegiya iclası keçirilib. İclasda Çin Xalq Respublikasının Dövlət Başçısı Si Jinpinin dövlət səfərinin və Qırğızıstanın Şanxay Əməkdaşlıq Təşkilatına (ŞƏT) sədrliyinin nəticələri müzakirə edilib. Bu barədə nazirliyin mətbuat xidməti məlumat yayıb.

Müzakirələrdə Qırğızıstan və Çin arasında siyasi, ticari-iqtisadi, investisiya, nəqliyyat-logistika və mədəni sahələrdə münasibətlərin inkişafı nəzərdən keçirilib. ŞƏT üzv dövlətlərinin əməkdaşlığı, regional təhlükəsizlik, davamlı inkişaf və birgə təşəbbüslərin həyata keçirilməsi də müzakirə olunub.

İclasda əldə olunmuş razılaşmaların icrası üzrə nazirliyin prioritetləri müəyyənləşdirilib və struktur bölmələrinə müvafiq tapşırıqlar verilib. Lakin nazirliyin məlumatında konkret qərarlar, tədbirlər və onların icra müddətləri göstərilməyib.