The Lancet: iqlim dəyişikliyinin sağlamlığa təsiri son 10 ildə artıb

“The Lancet” tibb jurnalının dərc etdiyi “2026 Lancet Geri Sayım” hesabatına görə, iqlim dəyişikliyinin sağlamlığa təsiri son 10 ildə dünya miqyasında artıb. Hesabatda 2015-ci il Paris İqlim Sazişindən bəri əldə edilən irəliləyişlərə baxmayaraq, iqlimlə bağlı sağlamlıq risklərinin sürətləndiyi bildirilir və “qlobal səhiyyə fövqəladə vəziyyəti” elan edilməsi çağırışı edilir.

University College London-un rəhbərliyi və Ümumdünya Səhiyyə Təşkilatının (ÜST) əməkdaşlığı ilə, 100-dən çox təşkilatdan 146 tədqiqatçının iştirakı ilə hazırlanan hesabata görə, 2016-2023-cü illərdə həddindən artıq istilər dünyada hər il orta hesabla 540 mindən çox ölümə səbəb olub; bu ölümlərin 68 faizi birbaşa iqlim dəyişikliyi ilə bağlıdır. 2023-cü ildə isə bu səbəbdən ölənlərin sayı təxminən 710 mindir.

Hesabatda istiliyin səbəb olduğu əmək və istehsal itkiləri nəticəsində 2025-ci ildə dünyada 1 trilyon dollardan çox potensial gəlir itkisi yaşandığı hesablanıb. Təmiz enerjiyə qlobal investisiyalar 2025-ci ildə 2,1 trilyon dollara çatsa da, qlobal enerji təchizatının 80 faizindən çoxunu hələ də fosil yanacaqlar təmin edir.