Ermənistan parlamenti ABŞ ilə TRIPP çərçivə sazişini təsdiqləyib

Ermənistan parlamenti ABŞ ilə TRIPP layihəsi üzrə çərçivə sazişini təsdiqləyib. Baku TV-yə danışan ermənişünas, professor Qafar Çaxmaqlı bildirib ki, parlamentin sazişi ratifikasiya etməsi TRIPP layihəsinin reallaşdırılması istiqamətində hazırlıq işlərinin başlanması üçün mühüm mərhələdir.

Onun sözlərinə görə, səsvermədə müxalifət layihəyə qarşı çıxsa da, saziş təsdiqlənib. Layihənin həyata keçirilməsi üçün şirkət yaradılıb və maliyyə vəsaiti ayrılıb. Qafar Çaxmaqlının fikrincə, layihə sülh sazişindən əvvəl reallaşdırıla bilər, lakin iki ölkə arasında yekun razılaşma olmadan marşrutun fəaliyyətə başlaması gələcəkdə ciddi problemlər yarada bilər.

Professor bildirib ki, layihə çərçivəsində dəmir yolu, neft və qaz kəmərləri, magistral yol və enerji dəhlizinin yaradılması nəzərdə tutulur. Onun sözlərinə görə, bu məsələlərin Azərbaycanla razılaşdırılması vacibdir.