Ərdoğan: Şimali Kipr türkləri ilə həmrəyliyimiz davam edir

Türkiyə Prezidenti Rəcəb Tayyib Ərdoğan Ankarada keçiriləcək Türk Dövlətləri Təşkilatının 13-cü Zirvəsi ərəfəsində “Türk Dünyası Yüzyılı: Dayanışmadan Bütünləşməyə” adlı məqalə yazıb. Məqalə eyni gün üzv və müşahidəçi ölkələrin aparıcı media qurumlarında dərc olunub. Bunlar arasında Azərbaycan, Qazaxıstan, Qırğızıstan, Özbəkistan, Şimali Kipr Türk Respublikası, Türkmənistan və Macarıstan yer alır.

Məqalədə Ərdoğan Türk dünyasının birliyinin ortaq tarix və mədəniyyətə söykəndiyini, dünya siyasətindəki dəyişikliklər fonunda Türk dövlətləri arasında dayanışmanın strateji zərurət olduğunu bildirib. O, iqtisadi inteqrasiyanı önəmli prioritet kimi göstərərək Hazar keçən Şərq-Qərb Orta Dəhlizinin imkanlarına diqqət çəkib. Təhlükəsizlik sahəsində isə terrorizm, sərhədlərarası cinayət, kiber təhdidlər və təbii fəlakətlərə qarşı birgə fəaliyyətin gücləndiriləcəyini vurğulayıb.

Kipr məsələsinə toxunan Ərdoğan Türkiyənin Kipr türk xalqı ilə həmrəyliyini davam etdirdiyini bildirib. O, Şimali Kipr Türk Respublikasının Təşkilatdakı müşahidəçi statusunun imkanlarının genişləndirilməsinə böyük önəm verildiyini və Kipr türklərinə qarşı haqsız təcridin sona çatdırılması, onların suveren bərabərliyinin tanınması istiqamətində mövqeyin qorunacağını qeyd edib. Türkiyə Ankara Zirvəsində dönəmlik sədrliyi Azərbaycandan təhvil alacaq.