Azərbaycanda SOCAR III rübdə 1,7 milyon tondan çox neft hasil edib

SOCAR-ın 2026-cı ilin III rübünə dair açıqladığı məlumatlara görə, iyul-sentyabr aylarında müstəqil şəkildə və ya əsas payçı qismində istismar etdiyi yataqlardan 1 717 082 ton neft hasil edib. "Report" xəbər verir ki, bu barədə SOCAR-ın qazma, hasilat, emal və ixrac göstəricilərini əks etdirən hesabatında deyilir.

Bu göstərici 2025-ci ilin eyni dövrünün 1 810 132 tonluq hasilatı ilə müqayisədə 93 050 ton və ya 5,1 % azdır. Ümumilikdə, üçüncü rübdə Azərbaycanda 6 590 477 ton xam neft hasil olunub ki, bu da bir il əvvəlki 6 979 521 tonluq göstəricidən 389 044 ton və ya 5,6 % azdır.