Özbəkistanda daimi yaşayan xarici vətəndaşların monitorinqi üçün platforma yaradılacaq

Özbəkistan Prezidenti Şavkat Mirziyoyev noyabrın 2-də əmək miqrasiyası sahəsində prioritet vəzifələrə həsr olunmuş müşavirə keçirib. Müşavirədə xaricdən qayıdan vətəndaşların məşğulluğu müzakirə olunub. İlin əvvəlindən Rusiya, Yaponiya, Cənubi Koreya, Almaniya, Böyük Britaniya və digər ölkələrdən 1,116 milyon özbəkistanlı qayıdıb.

Hakimlərə və sahə rəhbərlərinə qayıdan miqrantlara uyğun iş təklif etmək tapşırığı verilib. İş yeri, peşə və staj haqqında məlumatları əks etdirən platforma işə salınacaq. İl sonuna qədər 250 min nəfər üçün uyğun vakansiyaların tapılması və sahibkarlıqla məşğul olmaq istəyənlər üçün şəraitin yaradılması tapşırılıb.

Ölkədə təxminən 250 min uzunmüddətli xarici vətəndaş yaşayır; onların 36 mini iş icazəsi, 24 mini tələbə statusu alıb. Prezident qalan 190 min nəfərin nə ilə məşğul olduğunu və gəlir mənbələrini müəyyən etmək tapşırığını verib. İş icazəsi olan xarici vətəndaşların 80 faizi ixtisas tələb etməyən vəzifələrdə işləyir. Bir ay ərzində xarici vətəndaşların yaşayış və iş yerlərini izləməyə imkan verəcək platforma işə salınmalıdır.