Әзірбайжанда орташа айлық зейнетақы 2027 жылы 639 манатқа жетеді

Әзірбайжанда 2027 жылы орташа айлық еңбек зейнетақысының 639 манат болатыны болжанып отыр. Бұл туралы Мемлекеттік әлеуметтік қорғау қорының 2027 жылғы бюджеті туралы заң жобасында айтылған, деп хабарлайды Trend ақпарат агенттігі.

Құжатқа сәйкес, орташа айлық зейнетақы мөлшері 2026 жылы күтілетін 594,4 манатпен салыстырғанда шамамен 7,5 пайызға артады. Болжамдар бойынша, 2027 жылы Әзірбайжандағы еңбек зейнеткерлерінің жалпы саны 1 миллион 103,32 мың адамға жетеді. Олардың 718,39 мың адамы жасына, 246,28 мың адамы мүгедектігіне, 138,65 мың адамы отбасы күтушісінен айырылуына байланысты зейнетақы алады.

Сондай-ақ, құжатта 2027 жыл бойынша зейнетақы шығыстарының 8 миллиард 669,43 миллион манат болатыны көзделген.