Azərbaycanda orta aylıq pensiya 2027-ci ildə 639 manat olacaq

Azərbaycanda 2027-ci ildə orta aylıq əmək pensiyasının 639 manat təşkil edəcəyi proqnozlaşdırılır. Bu barədə məlumat "Dövlət Sosial Müdafiə Fondunun 2027-ci il büdcəsi haqqında" qanun layihəsində öz əksini tapıb və Trend xəbər agentliyi xəbər verir.

Sənədə əsasən, orta aylıq pensiya məbləği 2026-cı ildə gözlənilən 594,4 manatla müqayisədə təxminən 7,5 faiz artacaq. Proqnozlara görə, 2027-ci ildə Azərbaycanda əmək pensiyaçılarının ümumi sayı 1 milyon 103,32 min nəfər olacaq. Onlardan 718,39 min nəfəri yaşa, 246,28 min nəfəri əlilliyə, 138,65 min nəfəri isə ailə başçısını itirməyə görə pensiya alacaq.

Qeyd edək ki, 2027-ci il üzrə pensiya xərclərinin 8 milyard 669,43 milyon manat olacağı nəzərdə tutulub.