Өзбекстан электр желілерін жаңғыртуға ААБ-дан 200 млн доллар қарыз алады

Азия даму банкі (ААБ) Өзбекстанның электр желілерін жаңғыртуға арналған 200 млн доллар көлемінде қарыз келісіміне қол қойды. Бұл туралы банктің баспасөз қызметі хабарлады. Келісімге 15 қазан күні Таиланд, Бангкок қаласында ААБ президенті Масато Канда және Өзбекстан вице-премьері, экономика және қаржы министрі Жамшид Құшқаров қол қойды.

Бөлінетін қаражат электр энергиясын бөлу жүйесін жаңғыртуға, желідегі шығындарды азайтуға және электрмен жабдықтау сенімділігін арттыруға бағытталады. Бағдарлама аясында Өзбекстан бойынша 60 электр бөлу қосалқы станциясы қайта құрылып, жаңғыртылады, сондай-ақ желілерді басқаруға арналған цифрлық жүйелер енгізіледі.

Жұмыстардың трансформаторларға түсетін артық жүктемені азайтуға және кемінде 3,3 гигаватт қуатты қайта жаңартылатын энергия көздерін электр желісіне қосуға мүмкіндік беретіні күтілуде. Сондай-ақ парниктік газ шығарындыларының жылына шамамен 23 мың тонна көміртегі диоксиді эквивалентіне азаятыны болжанып отыр.