Шавкат Мирзиёев ACWA компаниясы басқару төрағасын қабылдады

Шавкат Мирзиёев отын-энергетика секторындағы инвесторлар кеңесінің бірінші отырысы аясында Өзбекстан—Сауд Арабиясы Бизнес кеңесінің бірлескен төрағасы, ACWA компаниясы басқару төрағасы Мұхаммед Абунаян бастаған делегацияны қабылдады.

Кездесуде тараптар практикалық ынтымақтастықты кеңейту және басым бірлескен жобаларды жеделдету мәселелерін талқылады. Соңғы жылдары Сауд Арабиясы компанияларының Өзбекстан нарығына қызығушылығы артып келеді. Нәтижесінде «жасыл» энергетика, заманауи инфрақұрылым, жоғары технологиялар, денсаулық сақтау және басқа салаларда ірі инвестициялық жобалар жүзеге асырылуда.

Тараптар келісімдерді уақытылы және сапалы орындау арқылы екіжақты практикалық ынтымақтастықты жаңа деңгейге көтеруге дайын екенін атап өтті. Кездесу соңында сауд инвесторлары Өзбекстанда жасалған қолайлы инвестициялық ахуал үшін тағы да алғысын білдірді.