Президент Шауқат Мирзиёев: мың жыл бұрын жазылған Имам Матуриди еңбектері бүгін де өзекті

Президент Шауқат Мирзиёев Самарқандағы Имам Матуриди мемориалдық кешенінде атқарылған жұмыстармен танысты. Мемлекет басшысының қаулысына сәйкес, өткен жылы Өзбекстанда Абу Мансур Матуридидің туғанына 1155 жыл толуы кеңінен аталып өтілді. Осыған байланысты Самарқандағы Шоқардиза зиратының аумағында кешенді қайта жаңғырту және абаттандыру жұмыстары басталды.

Кешеннің жалпы аумағы 10,2 гектар. Онда зиярат етушілерге арналған жаңа мешіт салынды. Имам Матуридидің және Бурхониддин Маргинонидің кесенелері толық қайта жаңартылды. Кешен құрамында ғылыми орталық, кітапхана және мұражай құрылды. Кіреберісте портал, қонақ үйлер және автотұрақ салынып, жергілікті және шетелдік ағаш көшеттері отырғызылды.

Президент бұл ағартушылық мекемелердің маңызын атап өтті: мақсат — ұлы бабаларымыздың мұрасын терең зерттеп, оны жастарға жеткізу. «Бүгін бұл білім бізге өте қажет», — деді ол. Мемлекет басшысы кешенге барған адам Имам Матуридидің ғылыми және рухани мұрасы мен оның ислам әлеміндегі рөлі туралы түсінік алуы тиіс екенін айтты.