Қазақстанда зейнетақы мен жәрдемақылар индекстеледі: бюджеттен қанша қаражат бөлінеді

Қазақстанда келесі жылдан бастап зейнетақылар мен әлеуметтік төлемдер индекстеледі. Бұл туралы Құрылтайдағы брифингте премьер-министрдің орынбасары — Ұлттық экономика министрі Серік Жұмангарин мәлімдеді. Хабарды Tengrinews.kz тілшісі жеткізді.

Журналистердің сұрақтарына жауап берген Жұмангарин төлемдерді индекстеуге қосымша 739 миллиард теңге көзделгенін айтты. Осы соманың басым бөлігі зейнетақыларға арналған.

Министр «Әлеуметтік төлемдер мен жәрдемақыларды индекстеу міндетті» деп атап өтті. Tengrinews бұған дейін 2027 жылдың 1 қаңтарынан бастап зейнетақыларды 8,5 пайызға көтеру жоспарланғанын, ал есептеулер бойынша ең төмен жиынтық зейнетақы 113 541 теңге болатынын жазған болатын.