Өзбекстан мен АҚШ 12 миллиард долларлық 54 келісімге қол қойды

Өзбекстан мен Америка Құрама Штаттары сауда, инвестиция және технологиялық ынтымақтастық саласында жалпы құны 12 миллиард доллар болатын 54 келісімге қол қойды. Бұл туралы Өзбекстанның Инвестициялар, өнеркәсіп және сауда министрлігінің баспасөз қызметі хабарлады. Келісімдер өнеркәсіпті, көлік және энергетика инфрақұрылымын, сыни маңызы бар минералдарды, қаржы секторын, цифрлық технологияларды, ауыл шаруашылығын, денсаулық сақтау мен білім беруді қамтиды.

Көлік саласында GE Aerospace Uzbekistan Airways компаниясының жаңа ұшақтарына арналған қозғалтқыштарды жеткізеді. Wabtec теміржол техникасы мен қосалқы бөлшектерді өндіруді жергілікті жерде ұйымдастыруға көмектеседі. Franklin Templeton, Oppenheimer & Co., Citigroup және BlackRock компаниялармен келісімдер өзбек компанияларының халықаралық капитал нарықтарына шығуына, институционалдық инвесторларды тартуға және инфрақұрылымдық жобаларды қаржыландыруға бағытталған.

Кен өнеркәсібінде ReElement Technologies, Traxys және Trafigura компанияларымен келісімдер кен орындарын зерттеуді және игеруді, минералдық ресурстарды жеткізуді және Өзбекстанның сыни маңызы бар минералдар бойынша құзыретін дамытуды көздейді. Іскерлік бағдарламаға 400-den астам компания өкілдері қатысты, оның ішінде 100-den астам АҚШ компаниясы bar.