Шавкат Мирзиёев Америка компанияларының басшыларымен кездесті

Президент Шавкат Мирзиёев 19 қазанда Самарқан қаласында «Франклин Темплтон» (АҚШ) компаниясының президенті және бас атқарушы директоры Дженни Джонсонды қабылдады. Кездесуде ірі мемлекеттік кәсіпорындарды трансформациялаудың алғашқы нәтижелері талқыланды.

Лондон және Ташкент биржаларында Өзбекстанның Ұлттық инвестициялық қорының акцияларын орналастыру еліміз тарихындағы алғашқы халықаралық IPO болғаны атап өтілді. Нәтижесінде шамамен 700 миллион доллар тартылды, сұраныс ұсыныстан төрт еседен астам асып түсті. Келесі кезеңде қор портфеліндегі компанияларды трансформациялау арқылы халық әл-ауқатын және қызметтердің сенімділігі мен сапасын арттыру көзделген.

Сонымен қатар президент «Вабтек» (АҚШ) компаниясының директорлар кеңесінің төрағасы және бас атқарушы директоры Рафаэль Сантананы қабылдады. Кездесуде локомотивтер паркін жаңарту және кеңейту, ұзақ мерзімді қызмет көрсетумен жеткізу, техникалық қызмет көрсету және қосалқы бөлшектер өндіру, сондай-ақ тау-кен кәсіпорындары үшін карьер техникасына арналған сервис орталығы мәселелері қаралды.