Ашхабатта «Ана табиғат» халықаралық өнер көрмесі ашылды

Түркменстан астанасы Ашхабатта «Ана табиғат» халықаралық өнер көрмесі үш елдің жоғары деңгейдегі өкілдерінің қатысуымен ашылды. Гурбангулы Бердімұхамедов атындағы қамқорлыққа мұқтаж балаларға көмек көрсету қайырымдылық қорының емдеу жұмыстары жөніндегі вице-президенті Оғұлжахан Атабаева Әзірбайжанның Гейдар Әлиев қорының вице-президенті Лейла Әлиева және Өзбекстан Президенті Әкімшілігінің басшысы Саида Мирзиёеваны қарсы алды.

Үшжақты кездесуде Атабаева көрші елдер арасындағы ынтымақтастық ортақ тамырларға, рухани және мәдени құндылықтарға негізделетінін атап өтті. Ол Түркменстанда күзде және көктемде жылына екі рет ағаш отырғызу шаралары өткізілетінін, сондай-ақ климаттың өзгеруіне байланысты технологиялар бойынша аймақтық орталық және Орталық Азияда шөлейттенуге қарсы күрес орталығын құру бастамаларын айтты.

Атабаева көрменің, әсіресе жас ұрпақтың экологиялық әл-ауқатқа назар аударуына ықпал ететініне сенімді екенін айтты. Лейла Әлиева Түркменстанға қонақжайлылық пен жоғары деңгейде ұйымдастырылған шаралар үшін алғыс айтты, Саида Мирзиёева да жылы қабылдағаны үшін ризашылығын білдірді.