Ashxobodda “Ona tabiat” xalqaro koʻrgazmasi ochildi

Turkmanistonning poytaxti Ashxobodda “Ona tabiat” nomli xalqaro sanʼat koʻrgazmasi uch davlatning yuqori darajadagi vakillari ishtirokida ochildi. Gurbanguli Berdimuhamedov nomidagi muhtoj bolalarga yordam berish xayriya fondining davolash ishlari boʻyicha vitse-prezidenti Oguljohon Atabayeva Ozarbayjonning Heydar Aliyev fondi vitse-prezidenti Leyla Aliyeva hamda Oʻzbekiston Respublikasi Prezidenti Devoni rahbari Saida Mirziyoyevani kutib oldi.

Uchtomonlama uchrashuv chogʻida Atabayeva qoʻshni davlatlar oʻrtasidagi hamkorlik umumiy ildizlar, maʼnaviy va madaniy qadriyatlarga asoslanganini taʼkidladi. U Turkmanistonda kuz va bahor fasllarida yiliga ikki marta keng koʻlamli daraxt ekish tadbirlari oʻtkazilishini hamda iqlim oʻzgarishi bilan bogʻliq texnologiyalar boʻyicha mintaqaviy markaz va Markaziy Osiyoda choʻllanishga qarshi kurash markazi tashkil etish tashabbuslarini aytib oʻtdi.

Atabayeva koʻrgazmaning, ayniqsa yoshlarning, ekologik farovonlikka eʼtiborini jalb qilishi mumkinligini bildirdi. Leyla Aliyeva Turkmanistonga mehmondoʻstlik va yuqori darajada tashkil etilgan tadbirlar uchun minnatdorchilik bildirdi, Saida Mirziyoyeva ham iliq kutib olinganidan mamnunligini aytdi.