Өзбекстанда 2030 жылға дейін IT саласында тағы 500 мың жұмыс орны ашу жоспарланып отыр

Президент Шавкат Мирзиёев 20 қазанда цифрлық білім беру экожүйесін дамытуға арналған презентациямен танысты, деп мәлімдеді мемлекет басшысының баспасөз қызметі. Хабарламада айтылғандай, ақпараттық технологиялар саласында 2030 жылға дейін 300 мың жұмыс орнын құру мақсаты осы жылы орындалған. Енді цифрлық экономиканың жаңа бағыттарын дамыту арқылы 2030 жылға дейін тағы 500 мың жұмыс орны құру жоспарланып отыр.

Презентацияда жастарды оқытудан бастап, олардың кәсіби дағдыларын растау және жұмысқа орналастыруға дейінгі барлық процестерді қамтитын бірыңғай цифрлық білім беру экожүйесін қалыптастыру қажеттігі атап өтілді. 2030 жылға дейін дәстүрлі және қашықтан оқыту нысандарында 5,5 миллион жасты оқыту көзделуде. Президент робототехника, компьютерлік ойындар жасау, стартаптар және басқа да перспективалы бағыттар бойынша жыл сайын бір миллион жасты оқыту міндетін қойды.

Цифрлық білім беруге тартылатын гранттар да көбейтіледі. Өткен жылы осы бағытта 22 миллион доллар грант тартылған. Мақсат — жыл соңына дейін бұл көрсеткішті 60 миллион долларға, 2030 жылы жылына 100 миллион долларға жеткізу. Президент білім сапасы мен оның жұмыспен қамтуға әсерін негізгі өлшем болуы керек екенін атап өтті.