Ет бағасын 770 сомнан асырмау туралы шешім қабылданды – Ақунбеков

Қырғызстанда ет бағасын төмендету мақсатында мал экспортына 6 айлық мораторий енгізіліп, Бішкекте етті 680 сомнан сататын 10 фудтрак пилоттық режимде іске қосылды. Бұл туралы министрлер кабинетінің төрағасының орынбасары, су ресурстары, ауыл шаруашылығы және қайта өңдеу өнеркәсібі министрі Ерлист Ақунбеков Жоғарғы Кеңестің бүгінгі отырысында мәлімдеді.

Ақунбековтың айтуынша, Ресейден әкелінген мал жол шығындары қосылғаннан кейін де базар бағасынан арзан сатылуда. Осы шаралардың нәтижесінде малдың бағасы аз ғана төмендеген. Монополияға қарсы реттеу қызметі етті 770 сомнан асырмау туралы шешім қабылдаған. Министр: «Осы әрекеттердің есебінен ет тағы арзандайды деген жоспарымыз бар», — деді.

Министрдің айтуынша, ет бағасын төмендетуде тұтынушылардың мүддесімен қатар мал шаруашылығымен айналысатын фермерлердің жағдайын да ескеру қажет. Малдың бағасы арзандауы үшін ең алдымен азықтың бағасын төмендету керек, бұл бағытта жұмыстар жүріп жатыр. Сондай-ақ жеңілдетілген несие берудің екі бағыты бар, сол арқылы мүмкіндікке қарай қаржыландыру жүргізілуде. Министрдің мәліметінше, ет бағасын реттеу шаралары аясында тауарлық интервенция мен жеңілдетілген несие беру шаралары да қарастырылған.