Шыңжаң әдісі мақта шаруашылығында жоғары тиімділік беруде

Президент Шавкат Мирзиёев Ғузар ауданындағы мақта алқабына барды. Мұнда «Qashqadaryo Jingu» кәсіпорны мақтаны Шыңжаң әдісімен өсіреді. Мемлекет басшысына тұқым себу, суару және өсімдікке күтім жасау технологиялары туралы айтылды. 2,2 мың гектар алқапта тұқымдар қос қатармен пленка астына себіліп, суару толығымен тамшылатып суару жүйесі арқылы жүзеге асырылады.

Пленка топырақта ылғал мен жылуды сақтап, мақтаның ерте әрі біркелкі шығуын қамтамасыз етеді. Тамшылатып суару жүйесі арқылы су мен тыңайтқыш тікелей өсімдік тамырларына жетеді. Нәтижесінде су шығыны 30-40 пайызға, тыңайтқыш шығыны шамамен 30 пайызға азаяды. Өнім дәстүрлі әдіспен егілген алқаптарға қарағанда 10-15 күн ерте піседі. Далалық жұмыстарда агродрондар да қолданылады.

Дәстүрлі әдіспен гектардан 30-35 центнер мақта жиналса, Шыңжаң технологиясы бұл көрсеткішті 60-70 центнерге дейін көтереді. Кәсіпорын алқаптарында өнімділік гектарынан 55 центнерді, жалпы жиын 12,3 мың тоннаны құрайды. Қытай инвестициясы қатысуымен құрылған агрокластер Қасан, Нишан, Ғузар, Кукдала және Мирішкор аудандарындағы 18,3 мың гектар аумақты қамтиды. Бұл жерлердің едәуір бөлігі бұрын игерілмеген шөлдер мен тасталған учаскелер болған. Жобаға 128 миллион доллар инвестиция салынып, 50 жұмыс орны құрылды, экспорт көлемі 8,5 миллион долларды құрайды.