BP: «Шахдениз» долбоорунун алкагында деңиздеги курулуш иштерине киришилди

BP Азербайджандагы «Шахдениз» газ-конденсат кенинде 2,9 миллиард АКШ доллары наркындагы «Шахдениз Компрессия» (ШДК) долбоору боюнча деңизде курулуш иштерин баштаганын билдирди. Бул тууралуу Report BP Azerbaijan компаниясына таянып кабар берет.

Акыркы бир нече жумада ШДК платформасынын таяныч блогунун негизин түзгөн төрт түтүк уюлдун деңизге ташылышы жана орнотулушу ийгиликтүү аяктады. Иштер «Ханкенди» суу астындагы курулуш кемеси аркылуу ишке ашырылды. Ар бирине узундугу болжол менен 70 метр, диаметри 108 дюйм, салмагы 292 тонна болгон уюлдар БП'нин Каспий деңизинде бугунку күнгө чейин орноткон эң чоң диаметрдеги түтүк уюлдары болуп саналат. Орнотуу учурунда 188 тонналык атайын суу астындагы таяныч рамасы колдонулду.

БП'нин маалыматында айтылышынча, бул этаптын аяктышы платформанын таяныч блогун 2028-жылдын биринчи жарымында орнотууга жол ачат. Долбоордун негизги максаты — кендеги төмөн басымдагы газ корлорун казып алууну камсыз кылуу жана кендин газ берүү коэффициентин жогорулатуу. Долбоор алкагында болжол менен 50 миллиард кубометр газ жана 25 миллион баррель конденсат өндүрүлүп, экспортко чыгарылат. Курулуш иштери 2029-жылы аяктайт деп пландалууда.