Самаркандда Дүйнөлүк саммит башталды

Самаркандда «Балдардын аман-эсенлигине инвестиция: келечек муундар үчүн турукташкан жана адилеттүү өнүгүүгө карай» темасындагы Дүйнөлүк саммиттин ачылыш аземи башталды. Өзбекстан Республикасынын Президенти Шавкат Мирзиёевдин катышуучуларга арнаган куттуктоосун матбуат катчысы Ш.Асадов окуп берди.

Аземде БМУнун Бош Ассамблеясынын 81-сессиясынын төрагасы Халилур Рахман да сөз сүйлөдү. Ал Өзбекстан жетекчилигине саммиттин демилгеси жана иш-чаранын жогорку деңгээлде уюштурулганы үчүн ыраазычылык билдирди. БМУнун Баш катчысы Антониу Гутерриштин кайрылуусун БМУнун Өзбекстандагы турактуу өкүлү Сабине Махль окуду. Саммитте Өзбекстандын Биринчи леди, «Zamin» эл аралык коомдук фондунун попечительдик кеңешинин төрагасы Зироат Мирзиёева да сөз алып, катышуучуларга ийгиликтүү жана жемиштүү иш каалады.

Эки күндүк саммит алкагында балдар онкологиясы боюнча II Эл аралык конгресс да өтөт. Иш-чаралар Өзбекстандын демилгеси менен, балдарга карата зомбулук боюнча БМУнун Баш катчысынын атайын өкүлү, БМУнун Балдар фонду (ЮНИСЕФ), Дүйнөлүк саламаттык сактоо уюму жана Дүйнөлүк банк менен кызматташуу алкагында уюштурулду. Иш-чараларга 100дөн ашык өлкөнүн жана эл аралык уюмдардын өкүлдөрү, чет элдик жана жергиликтүү эксперттер жана коомдук ишмерлер катышып жатышат.