Səmərqənddə Ümumdünya Sammiti başladı

Səmərqənddə «Uşaqların rifahına investisiya: gələcək nəsillər üçün davamlı və ədalətli inkişafa doğru» mövzusunda Ümumdünya Sammitinin açılış mərasimi başladı. Özbəkistan Prezidenti Şövkət Mirziyoyevin iştirakçılara ünvanladığı salamı mətbuat katibi Ş.Asadov oxudu.

Mərasimdə BMT Baş Assambleyasının 81-ci sessiyasının sədri Xəlilur Rəhman da çıxış etdi. O, Özbəkistan rəhbərliyinə sammit təşəbbüsünə və tədbirin yüksək səviyyədə təşkilinə görə minnətdarlıq bildirdi. BMT Baş katibi Antonio Quterreşin müraciətini BMT-nin Özbəkistandakı daimi nümayəndəsi Sabine Mahl oxudu. Sammitdə Özbəkistanın Birinci xanımı, beynəlxalq «Zamin» fondunun himayədarlar şurasının sədri Ziroat Mirziyoyeva da çıxış edərək iştirakçılara uğurlu və məhsuldar iş arzuladı.

İki günlük sammit çərçivəsində II Beynəlxalq Uşaq onkologiyası konqresi də keçiriləcək. Tədbirlər Özbəkistanın təşəbbüsü ilə, uşaqlara qarşı zorakılıq üzrə BMT-nin xüsusi nümayəndəsi, BMT-nin Uşaq Fondu (UNICEF), Ümumdünya Səhiyyə Təşkilatı və Dünya Bankı ilə əməkdaşlıqda təşkil olunub. Tədbirlərdə 100-dən çox ölkənin və beynəlxalq təşkilatın nümayəndələri, xarici və yerli ekspertlər və ictimai xadimlər iştirak edir.