Самарқандта Дүниежүзілік саммит басталды

Самарқандта «Балалардың әл-ауқатына инвестиция: болашақ ұрпақ үшін тұрақты және әділ дамуға қарай» тақырыбындағы Дүниежүзілік саммиттің ашылу салтанаты басталды. Өзбекстан Республикасы Президенті Шавкат Мирзиёевтың қатысушыларға арнаған сәлемдемесін баспасөз хатшысы Ш.Асадов оқыды.

Салтанатта БҰҰ Бас Ассамблеясының 81-сессиясының төрағасы Халилур Рахман да сөз сөйледі. Ол Өзбекстан басшылығына саммит бастамасы және іс-шараның жоғары деңгейде ұйымдастырылғаны үшін алғысын білдірді. БҰҰ Бас хатшысы Антониу Гутерриштің үндеуін БҰҰ-ның Өзбекстандағы тұрақты өкілі Сабине Махль оқыды. Саммитте Өзбекстанның Бірінші леди, «Zamin» халықаралық қоғамдық қорының қамқоршылық кеңесінің төрағасы Зироат Мирзиёева да сөз алып, қатысушыларға табысты әрі жемісті жұмыс тіледі.

Екі күндік саммит аясында балалар онкологиясы бойынша II Халықаралық конгресс те өтеді. Іс-шараларды Өзбекстан бастамасымен, балаларға қатысты зорлық-зомбылық жөніндегі БҰҰ Бас хатшысының арнайы өкілі, БҰҰ-ның Балалар қоры (ЮНИСЕФ), Дүниежүзілік денсаулық сақтау ұйымы және Дүниежүзілік банкпен ынтымақтастықта ұйымдастырылды. Іс-шараларға 100-ден астам елдің және халықаралық ұйымдардың өкілдері, шетелдік және отандық сарапшылар мен қоғам қайраткерлері қатысып жатыр.