Түркия менен Азербайжандын бирдиги сарсаналбас: Девлет Бахчели

Түркиянын Улутчул Кыймыл партиясынын (MHP) лидери Девлет Бахчели түрк мамлекеттеринин ортосундагы мамилелер сырттан калыптандырылуучу саясий долбоорлорго, геосаясий эсептөөлөргө жана бөлүп салуучу пландарга ылайыкташпаган тарыхый тамырларга ээ экенин айтты. Партиянын Башкаруу кеңешинин жыйынынан кийин таратылган жазуу билдирүүсүндө ал түрк дүйнөсүнүн келечеги көз каранды эмес мамлекеттердин эгемендигине, өз ара урматтоого, теңукуктуу шериктештикке жана ишенимге негизделгенин белгиледи.

Бахчели кийинки аптада Анкарада өтө турган Түрк мамлекеттери уюмунун саммитине көңүл бурду жана аны тарыхый жоопкерчиликтин жана биргелешкен келечек ниетинин маанилүү көрүнүшү деп атады. Ал Азербайжан президенти Ильхам Алиевдин Анкарадагы саммитке чакырылышы Түркия менен Азербайжандын мамилелеринин тарыхый жана стратегиялык маанисин сактоо жагынан өзгөчө мааниге ээ экенин белгиледи.

Билдирүүдө Түркия менен Азербайжандын ортосундагы байланыштар жалпы тарыхка, тилге, маданиятка, өз ара ишенимге жана элдердин рухий бирдигине негизделгени баса белгиленди. Ошол эле учурда ар түрдүү ыкмалар жана чечилүүнү күткөн маселелер келип чыгышы мүмкүндүгү, негизгиси аларды бир туугандык мамилелерге зыян келтирбестен, өз ара түшүнүшүү жана түздөн-түз диалог аркылуу чечүү экени айтылды.