Mirziyoyev mehnat migratsiyasi va xorijda ish imkoniyatlari boʻyicha yigʻilish oʻtkazdi

Oʻzbekiston Prezidenti Shavkat Mirziyoyev 2-noyabr kuni mehnat migratsiyasi hamda xorijda ishlashni istagan aholini tilga va kasblarga maqsadli oʻqitish masalalariga bagʻishlangan yigʻilish oʻtkazdi. Yigʻilishda mehnat migratsiyasiga oid masalalar muhokama qilinib, soha boʻyicha vazifalar belgilandi hamda bir qator yangi tashabbus va takliflar ilgari surildi.

Oliy Majlis Qonunchilik palatasi deputati Bahtiyor Artiqov dunyo aholisining qariyb 2 foizi, yaʼni 168 milliondan ortiq odam tashqi migratsiyada faoliyat yuritayotganini bildirdi. U raqobatli mehnat bozorida til bilishning asosiy masalalardan biri ekanini hamda yuqori daromadli ish topishning kafolatiga aylanishi mumkinligini taʼkidladi. Mirziyoyev chet elda ishlayotgan vatandoshlarni “haqiqiy mard insonlar” deb atadi.

Oʻzbekistonning mehnat migratsiyasi yoʻnalishida 27 ta davlat bilan bitimlar tuzilgan. Joriy yilda 34 ta davlatda 287 ming nafar fuqaroni ishga joylashtirish imkoniyati mavjudligi aytilgan. Germaniya misolida 45 ming mutaxassis boʻyicha buyurtma kelgan, ammo hozirgacha atigi 2 ming kishi ishga joylashgani qayd etilgan.

2027-yilda har bir hududda yagona migratsiya markazlarini tashkil etish, davlat-xususiy sheriklikni hamda xususiy bandlik agentliklari faoliyatiniragʻbatlantirish rejalashtirilgan. Respublikada qirqdan ortiq xususiy bandlik agentligi faoliyat yuritmoqda. Mirziyoyev agentlik tomonidan ishga joylashtirilgan har bir fuqaro uchun agentlikka bir yarim million soʻm ragʻbatlantirish puli berilishini taklif qildi.