Chin maʼnodagi sheriklik – oʻzaro ishonch, masʼuliyat va manfaatdir – Prezident

Prezident Shavkat Mirziyoyev yoqilgʻi-energetika sohasidagi investorlar bilan ochiq muloqot oʻtkazmoqda.

U energetikaga iqtisodiyotning shunchaki bir tarmogʻi sifatida qaramayotganini, bu oʻz kelajagimiz va farovonligimizning mustahkam tayanchi ekanini taʼkidladi. "Chin maʼnodagi sheriklik bu – oʻzaro ishonch, oʻzaro masʼuliyat va oʻzaro manfaatdir", dedi Prezident. U har bir yangi loyiha hududlardagi haqiqiy oʻzgarish va odamlarning hayoti, ishi hamda taraqqiyoti uchun mustahkam zamin ekanini aytdi. Sarmoyangiz mamlakat taraqqiyotiga qanchalik nur olib kirsa, yurtimizdagi yuksalish sizning muvaffaqiyatingizga shunchalik keng yoʻl ochishi taʼkidlandi.

Davlat rahbari investorlarning asosli takliflarini eshitishga, muammolarini hal qilishga va yangi tashabbuslarini qoʻllab-quvvatlashga tayyorligini bildirdi. Shundan soʻng sarmoyadorlar bilan bevosita muloqot qilindi.