Ijtimoiy yordam berish tartibi oʻzgaradi

Qozogʻiston Bosh vaziri Olzhas Bektenov mehnat va aholini ijtimoiy himoya qilish sohasini raqamli transformatsiya qilish masalalari boʻyicha maslahat oʻtkazdi. Ijtimoiy yordamni haqiqatan muhtoj fuqarolarga yoʻnaltirish, mehnat huquqlariga rioya etilishini nazorat qilish va korxonalardagi xavflarni erta aniqlashga oid raqamli yechimlar koʻrib chiqildi.

«Otbasining raqamli kartasi» axborot tizimida 20 mln dan ortiq fuqaro va 6,2 mln xoʻjalik haqidagi maʼlumotlar birlashtirilgan. Mahalliy ijro etuvchi organlar bu maʼlumotlarni fuqarolarning haqiqiy turmush sharoitini hisobga olib tekshirmoqda. Islohot ijtimoiy nafaqalarning 36 turidan 14 tasiga taalluqli boʻladi, qolgan 22 tur boʻyicha amaldagi tartib oʻzgarishsiz qoladi.

SMS-xabarlardan keyin 200 dan ortiq fuqaro ijtimoiy yordamga muhtoj emasligini aytib, nafaqadan ixtiyoriy ravishda voz kechgani maʼlum boʻldi. Shu sababli eGov Mobile ilovasiga onlayn voz kechish xizmati joriy etiladi. Hukumat maʼlumotiga koʻra, muhtoj fuqarolarga davlat yordamining hozirgi tartibi toʻliq saqlanadi. Sunʼiy intellekt yordamida 183 mingdan ortiq ariza qayta ishlangan, biroq uning xulosasi faqat tavsiyaviy xarakterga ega.