Qozogʻistonda 522 ming kishi davlat nafakalarini yoʻqotishi mumkin

Qozogʻistonda 2027-yil 1-yanvardan joriy etiladigan muhtojlik mezonlari tufayli taxminan 522 ming kishi davlat nafakalaridan mahrum boʻlishi mumkin. Bu haqda vitse-premyer — Milliy iqtisodiyot vaziri Serik Jumangarin maʼlum qildi.

Vazirning aytishicha, Qozogʻistonda yuqori (“A”) farovonlik darajasiga ega taxminan 77 ming kishi bor, qolgan 445 ming kishi esa “B” toifasidagi boy guruhga kiradi. Mehnat vazirligi bu toifalar boʻyicha aniq hisob-kitobni hali davom ettirmoqda. Vazir tizimda taxminan 30 ta tarkibiy qism ishtirok etishini va monitoring har kuni oʻtkazilishini aytdi.

Hukumat tasdiqlagan yangi mezonlarga koʻra, boy oilalar endi davlat yordamini ololmaydi. 2027-yil 1-yanvardan 10 ta nafaqa toʻlash tartibi oʻzgaradi; roʻyxatda tugʻilganda bir martalik toʻlov, bola parvarishi boʻyicha oylik nafaqa va koʻp bolali oilalarga toʻlovlar bor. Yangi normalar tasdiqlangach, Mehnat vazirligi vakillari mamlakatning 20 ta viloyatini aylanib, islohot yuzasidan tushuntirish beradi. Bosh vazir Olzhas Bektenov islohot uch yil ichida respublika byudjetiga 2,5 trillion tenge tejash imkonini berishini aytdi.