Bishkekdan Batkengacha 83 mingdan ortiq kvartira qurilmoqda — prezident

Davlat ipoteka kompaniyasi Qirgʻiziston yetti viloyatida, Bishkek shahridan Batken viloyatigacha boʻlgan 65 ta obyektda 83 mingdan ortiq kvartira qurilishini olib bormoqda. Bu haqda prezident Sadir Japarov Bishkekdagi "Muras" turar-joy majmuasida kvartiralarni topshirish marosimida maʼlum qildi.

Prezidentning aytishicha, majmuaning dastlabki ikki bosqichida avval 2 mingdan ortiq kvartira foydalanishga topshirilgan. Bugun topshirilgan 1 104 ta kvartira bilan majmuaning 3-bosqichi yakunlanib, shu hudud boʻyicha jami 3 170 ta kvartira qurilishi toʻliq tugallangan. 4-bosqich qurilishini keyingi yilning iyun oyida yakunlash vazifasi berilgan boʻlib, u yerda 1 584 ta kvartira topshiriladi. Majmua jami 39 blokdan iborat 4 754 ta kvartirani oʻz ichiga oladi.

Prezident respublika boʻyicha jami 9 371 ta kvartira foydalanishga topshirilganini va fuqarolar yangi uylarida yashayotganini aytdi. Bugun "Muras" majmuasidan 1 104 oila kvartira oldi.