Saida Mirziyoyeva Turkiyaning “Baykar” kompaniyasi majmuasini borib koʻrdi

Prezident administratsiyasi rahbari Saida Mirziyoyeva Turkiyaning “Baykar” kompaniyasi majmuasida boʻlib, mudofaa sanoati sohasidagi ilgʻor loyihalari bilan tanishdi.

Mirziyoyeva Telegramdagi xabarida bunday yutuqlar zamirida koʻp yillik ilmiy izlanishlar, iqtidorli muhandislarning mehnati hamda milliy texnologiyalarni rivojlantirishga kiritilgan investitsiyalar turganini yozdi. Uning soʻzlariga koʻra, Turkiyaning bu boradagi tajribasi Oʻzbekiston uchun ham muhim amaliy ahamiyatga ega.

U, shuningdek, mutaxassislar oʻrtasida tajriba almashish hamda texnologik loyihalarni birgalikda amalga oshirish uchun imkoniyatlar borligini qoʻshimcha qildi. Suratlar Saida Mirziyoyeva Telegram sahifasi manbasi bilan berilgan.