Saida Mirziyoyeva Türkiyənin “Baykar” şirkətinin kompleksinə səfər etdi

Özbəkistan Prezident Administrasiyasının rəhbəri Saida Mirziyoyeva Türkiyənin “Baykar” şirkətinin kompleksində olub, müdafiə sənayesi sahəsindəki qabaqcıl layihələrlə tanış olub.

Mirziyoyeva Telegram səhifəsində yazıb ki, bu cür nailiyyətlərin arxasında illər boyu davam edən elmi axtarışlar, istedadlı mühəndislərin əməyi və milli texnologiyaların inkişafına yönəldilmiş investisiyalar durur. O, Türkiyənin bu sahədəki təcrübəsinin Özbəkistan üçün də mühüm praktiki əhəmiyyət kəsb etdiyini qeyd edib.

O əlavə edib ki, mütəxəssislər arasında təcrübə mübadiləsi və texnoloji layihələrin birgə həyata keçirilməsi üçün imkanlar mövcuddur. Fotolar Saida Mirziyoyevanın Telegram hesabı ilə təqdim olunub.